DAVAO CITY – Walay mamahimong problema sa mga motorista sa dakbayan sa nahimong kamandoan ni Davao City Mayor Inday Sara Duterte-Carpio nga ablihan ang bintana sa mga sakyanan kini aron nga makalapus-lapus ang hangin.
Kalakip sa maong kamandoan ang mga sakyanan sa tanan national ug local government vehicles.
Mas maayo sumala pa nga adunay maayo nga ventilation ang mga sakyanan pinaagi sa pag-abli sa bintina ilabi na nga sagad sab sa gigikanan sa virus ang kanunay nga pagsara niini ug dili makagawas ang kagaw sa higayon nga kanunay na lamang nga sarado ang bintana sama na lamang sa mga pampasaherong sakyanan.
Gikanayong migula sa gipahigayon nga pagtuon sa mga eksperto nga kung ablihan ang mga bintana sa mga sakyanan, mas ubos sumala pa ang risgo sa pagtakod-takod sa covid-19.
Gani sagad sab sumala pa sa mga matakdan sa Covid-19 ang mga nanarbaho sa mga sarado nga gambalay sama sa mga banko ug uban pang pribado nga establisyemento gumikan sa kakulangon ug ventilations.
