DAVAO CITY – Gitambagan sa Professional Regulation Commission (PRC)-11 ang mga mokuha ug eksaminasyon nga mo-presenta sa mga gikinahanglan nga rekisitos ayha tugutan nila nga makapailalom sa eksaminasyon.
Una ng gibutyag ni Raquel Abrantes, regional director sa PRC-11 nga sugod sa bulan sa Enero aduna nay mga eksaminasyon nga ablihan apan aduna silay pangayuon nga mga rekisitos kini aron malikayan ang pagkatag sa Covid-19.
Kalakip sumala pa niini ang pagdala ug negative result sa RT-PCR test o quarantine certification isip pagpamatuod nga mipailalom kini sa 14 day quarantine.
Gikanayon sab sa opisyal nga hugtanon nila nga limitahan ang ihap sa mga examinees sulod sa mga classrooms nga anaa lamang sa 10 ngadto na sa walo lamang.
Gitambagan sab niini ang mga mokuha ug eksaminasyon sa mosunod nga tuig nga kinahanglan bisitahon ang ilang website nga PRC.GOV.PH aron masayran ang mga gikinahanglan nga himuon ilabi na ang pag-apply sa online sanglit wala silay himuon face to face transaction.
