DAVAO CITY – Gipahimangnoan karon ang mga millennial nga dili maglaag-laag kung dili kini mahinungdanon aron malikayan nga matakdan ug covid-19 ug mamahimong hinungdan sa transmission sulod sa mga panimalay.
Kahinumduman nga una ng gibutyag ni Davao City COVID-19 Task Force Focal Person Dr. Michelle Schlosser nga kadaghanan sa mga nakatampo sa pagsaka sa ihap sa covid-19 sa siyudad ang mga millennial nga nag-edad ug 24 ngadto na sa 40 anyos.
Gikanayong ang High-risk behaviors ang nakita karon nga rason sa paspas nga pagsaka sa severe acute respiratory syndrome coronavirus 2 (SARS-CoV-2) infection gumikan sa paglakaw-lakaw bisan nga dili kini mahinungdanon.
Sagad sab sumala pa sa mga millenials ang kabahin sa working group diin mahiligon kini mogawas ug makighimamat sa uban nga tawo hinungdan nga taas ang risgo sa mga nahisgutan nga ma-infect.
Una ng nasayran gikan sa nahisgutan nga sagad sa mga kaso sa covid-19 sa siyudad ang susama nga mga asymptomatic samtang taas usab ang ihap sa mga seniors nga namatay gumikan sa ilang comorbidities sama na lamang kadtong nag-antus sa cardiovascular diseases, diabetes, ug immuno-compromised.
Hinuon taas sab sumala pa ang ihap sa mga indibidwal nga naka-recover sa nahisgutan nga balatian.
