DAVAO CITY – Mihatag ug katin-awan si Dr. Josephine Villafuerte, Covid-19 Vaccination Program head sa siyudad, nga dili pa alang sa mga tigulang ang miabot nga SinoVac sa milabay nga adlaw inay igahin pa gihapon kini alang sa mga medical frontliners.
Sumala pa kang Villafuerte nga sa kasamtangan aduna pay pipila ka mga sakop sa A1 sa priority lists ang kinahanglan nga matuplokan ug kinahanglan nga humanon una kini ayha isunod ang mga tigulang.
Sa kasamtangan, ubay-ubay na sab nga mga tigulang ang nagpalista ug naglaom ang opisyal nga masunod gilayon ang mga nahisgutan sa pagbakuna sa hinanali nga panahon.
Gitataw sab ni Villafuerte nga kung maabot na ang mga bakuna alang sa mga A-2 diin sakop ang mga tigulang, gilayon nila kini nga sugdan kini pinaagi sa mga vaccination hub sa siyudad.
Apan kung dili na matud pa makalakaw ang tigulang, adtuon na lamang kini sa ilang balay ug didto na lamang himuon ang pagbakuna kanila.
