DAVAO CITY – Ubay-ubay na ang mga nangahimong biktima sa mga mangunguot, diin ang pinakaulahing biktima mao ang usa ka Gledete Manginlaod, 33 anyos, residente sa Jade Valley, Tigatto, Buhangin, ning dakbayan sa Davao.
Pauli na unta sa ilang balay ang biktima sakay sa usa ka jeep apan sa dihang mobayad na unta, nakurat na lamang kini dihang wala na ang iyang pitaka nga dunay sulod nga kwarta nga mikantidad ug tres mil ka pesos ug mga mahinongdanon nga mga dokumento.
Mikanaug nga gayud makabayad ang biktima sa iyang plete.
Pagtuo sa biktima nga wala pa siya makasakay jeep dapit sa San Pedro, ning dakbayan, samtang nagka-on ug Kwik-kwik nahitabo ang pagkuot sa iyang pitaka.
Human mikanaug sa sakyanan milahos na lamang sa pagpatala sa buhatan sa kapolisan sa San Pedro PNP.
