DAVAO CITY – Mibalik na karon ang pipila sa mga lumad ngadto sa ilang mga yutang kabilin sa lungsod sa Talaingod Davao del Norte human ang pipila ka tuig nga pagpuyo sa United Church of Christ in the Philippines (UCCP) Haran compound sa Father Selga Street, Bankerohan ning dakbayan sa Davao.
Sumala pa ka Brigadier General Filmore Escobal, regional director sa Police Regional Office (PRO) 11 ang nahisgutan nga batch ang gilangkuban sa 50 IPs nga gilangkuban sa nga minors nga gikan sa Barangay Nasilaban, Talaingod.
Miyembro sa Revitalized-Pulis Sa Barangay (R-PSB) nga giubanan ang IPs pauli sa ilang komunidad.
Gisakay sumala pa ang mga nahisgutan sa usa ka Van, dumptruck, ug bus nga gipadala sa Local Government Unit (LGU) pabalik sa Talaingod.
Gikanayong ang mipapaulo na nga mga IPs ang temporaryo nga ipahimutang sa Municipal Tribal Hall alang sa quarantine ayha papauli-on sa ilang tagsa-tagsa ka mga pamilya.
Kahinumduman nga ang UCCP Haran nagsilbi nga temporary shelter sa mga lumad nga gikan sa nagkadaiyang probinsiya sa Davao del Norte, Davao de Oro, ug lungsod sa Arakan sa North Cotabato sayo sa tuig 2015.
