DAVAO CITY – Hingpit na nga naduso sa upat ka mga lumad nga susamang sakop sa tribung Ata-Manobo sa Davao del Norte batok sa mga sakop sa New People’s Army (NPA) ingon man pipila ka mga personahe sa UCCP haran sa Father Selga St. ning dakbayan.
Kahinumduman nga mipahigayon ug case builds up investigation ang mga nagkadaiyang law enforcement agency ayha hingpit nga giduso ang reklamo batok sa mga rebelde ug pipila ka mga personahe sa Haran.
Pipila sa mga kaso nga giduso ang gikangkuban sa kalapasan sa Anti-Trafficking in person act (RA 9208); kalapasan sa RA 7610 kun Special protection of Children against abuse, exploitation and discrimination Act ingon man kasong paglapas sa RA 5891 o Philippine Act on crimes against International Humanitarian Law, Genocide and other crimes against humanity.
Una ng nagpasalamat si Usec. Lorraine Badoy, PCOO/NTF-ELCAC nga adunay mga ahensiya nga nangusog aron lamang maduso ang kaso batok sa mga rebelde ug uban pang mga indibidwal nga miabuso sa mga lumad.
Samtang gibutyag sab ni Pol. Brig. Gen. Felmore Escobal, regional director sa Police Regional Office (PRO) 11 nga padayon sila nga makiglambigit sa mga sakop sa kasundalohan aron lamang masiguro nga maprotektahan nila ang mga lumad batok sa mga rebeldeng grupo.
