Gipasalig sa Malacañang nga dili babagan sa gobyerno ang mga lihok-protesta basta kini ginahimo lamang sa legal nga paagi.
Kini nga pamahayag nga gibuhian taliwala sa umaabot nga serye sa mga protesta sa nagkalain-laing grupo nga may kalabotan sa mga isyu sa flood control projects, farm-to-market roads, ug uban pang kontrobersiya sa kurapsyon.
Sumala ni Presidential Communications Office Undersecretary Claire Castro, nagpabiling okupado si Pangulong Ferdinand Marcos Jr. sa pagresponde sa mga naapektuhan sa bag-ong mga kalamidad sama sa linog ug pagbaha.
Gikatakda nga magpahigayon og lihok-protesta ang grupo nga Kabataan sa Mendiola karong Oktubre 17, samtang ang mga grupo sa mga mag-uuma mag-rally sa Liwasang Bonifacio sa Oktubre 21.
Gibutyag ni Usec. Castro nga wala’y nagpugong sa mga grupo nga mag-rally, apan dili sila angay makigsalmot sa kagubot o kasamok.
Sa pangutana bahin sa kontrobersyal nga pamahayag ni Rep. Kiko Barzaga nga daw nag-awhag og pag-aklas, matod ni Usec. Castro nga ang bisan kinsa nga molapas sa balaod angay nga manubag.
Dugang pa niya, wala gitagad sa Pangulo ang bisan unsang pamulitika, ug mas gipili niini nga magpokus sa trabaho ug pagtabang sa katawhan.
