DAVAO CITY – Walay undang ang mga personahe sa City Social Welfare and Development Office (CSWDO) sa pagsubay sa mga kadalanan ning siyudad aron nga luwason kadtong mga tawo nga latagaw ug nagpuyo daplin sa kadalanan.
Kahinumduman nga una ng gibutyag sa Quick response team for children’s concern, nga kadaghanan sa ilang mga naluwas ang dili mga residente sa dakbayan ug mga dayo lamang ang mga nahisgutan kinsa nawad-an ug panginabuhian sukad nga nasinatian ang pandemiya.
Pipila sab sumala pa sa ilang mga na-rescue mao kadtong adunay mga suliran sa panghuna-huna.
Magdepende sab sumala pa kung unsa nga hinabang ang ihatag sa mga nahisgutan gumikan kay ipailalom ka kini sa assessment sa CSWDO.
Kinahanglan sumala pa nga hatagan ug pagtagad ang mga latagaw dinhi sa siyudad gumikan sa posibilidad nga mamahimong carrier sab kini sa covid-19.
