Gisiguro sa mga rebelde nga ang mga Kristiyano ug ang ilang mga simbahan ug kabtangan maprotektahan, luyo paman sa pag-abot sa mga Islamistang rebelde sa ikaduhang sa labing dako nga siyudad sa Syria.
Pinaagi kini sa usa ka operasyon nga miresulta sa pagpahawa sa brutal nga rehimen ni Assad.
Tulo ka semana gikan sa malampuson nga kampanya sa mga rebelde nga tanggalon si Assad, ang mga Kristiyano sa Syria karon nagselebrar sa Pasko uban sa mga Kristiyano sa Lebanon ug Palestinian.
Ilawom sa pagpangulo ni Bashar al-Assad, ang mga Kristiyano gitugotan sa pagsaulog sa ilang mga holiday ug praktisahon ang ilang mga ritwal, apan sama sa tanang mga Syrian, nakasinati gihapon kini og mga limitasyon ilabi na sa ‘freedom of speech’ ug politikal nga kalihokan.
Ang Islamikong armado nga grupo nga Hayat Tahrir Al-Sham (HTS), nga gipangulohan ni Ahmad al-Sharaa nailhan usab sa ngalan nga Abu Mohammed Al Jolani, mao na ang naggunit sa kadaghanan sa Syria karon.
Ginapadayon kini sa pagprotektar sa mga minorya ug mga relihiyosong sekta sa Syria.
Ang mga residente sa kapital sa Syria, ang Damascus, nga ang HTS wala maibawal og mihatag bisan unsang limitasyon sa mga selebrasyon o pag-ampo karong tuiga, apan nahadlok gihapon ang mga Kristiyano nga ang mga ubang grupo nga dili sakop sa HTS mamahimong muatake kanila.
Ang mga Christmas tree ug uban pang mga dekorasyon makita na sa mga komunidad sa Kristiyano sa Damascus.
Gumikan sa pagsugod sa gubot sa Gaza niadtong miaging tuig human sa atake sa Hamas sa habagatang Israel niadtong Oktubre 7, ang syudad sa Bethlehem nga gi-okupar sa Israel nakasinati og “grabeng isolation” gumikan sa mga gipahamtang nga mga restriksyon, suspensyon sa turismo, pagsirado sa mga ganghaan sa mga pilgrim, ug pagkontrol sa ekonomiya.
Kapin $600 milyon ang nawala nga kita ug ang unemployment rate mikabat og 36%, samtang ang kahimtang sa kapobrehon misaka gumikan walay mga turista.
Karong Pasko, ang Katolikong Obispo sa Jerusalem, nga naila nga Patriarch, gitugotan nga makasulod sa Gaza aron mag-ampo uban sa gamay nga Kristiyanong populasyon sa strip sa Holy Family Parish.
