DAVAO CITY – Misuporta ang mga konsehal sa Anti-Terror Campaign sa Task Force Davao (TFD).
Kaganinang buntag gidayo sa mga konsehal ang DCOTT o terminal sa Van sa Ecoland ug mitabang sa pagpamilit ug mga no terror stickers sila si Konsehal Conrado Baluran, ug Konsehal Nilo Abellera, Jr.
Si Baluran mao ang chairman sa Committee On Transportation and Communication sa ika-18 nga konseho, samtang si Abellera ang Chairman sa Committee On Peace and Order.
Sumala pa kang Abellera nga dunay giduso karon nga propose ordenance sa Konseho ngta mo-oblega sa mga senihan sa dakbayan sa Davao nga mopagula ug kampanya batok terorismo.
Ang nahisgutan nga balaodnon giduso ni Konsehal Abellera.
Dugang pa ni Abellera nga mahinongdanon ang suporta sa publiko pinaagi sa pag-report sa bisan unsa nga mamatikdan nga kadudahan nga mga butang ug paglihok-lihok sa mga tawo ug grupo.
