DAVAO CITY – Halapad nga pagpang-aspalto sa mga kadalanan sa dakbayan sa Davao ang ipahigayon sa Department of Public Works and Highways (DPWH) eleven.
Nasayran gikan kang DPWH spokesperson Den Ortiz tresientos milyones ka pesos ang pundo nga gamiton alang niini nga proyekto nga gikatuohan nga makasulbad sa naginati-an nga mga suliran.
Sumala pa kang Ortiz nga pinasikad sa desenyo, i-aspalto ang kadalanan gikan sa junction sa Davao International Airport hangtud sa Buhangin underpass.
Duna sa’y pag-aspalto gikan sa JP Laurel ug sa dalang Maharlika gikan sa Juction sa R. Castillo padulong sa Grand Regal sa Lanang.
Nasayran nga gilusad sab sa DPWH karong tuiga ang pagtukod ug pedestrian overpass sa diversion road, dapit sa NHA Buhangin.
Sumala pa kang Ortiz nga posibling sugdan ang proyekto sa mosunod nga duha ka semana.
Isip kini suporta sa DPWH sa Ordinansa sa lokal nga kagamhanan ang Anti-Jay walking ordinance.
