Nagpagula ug video footage ang taga PRO XI atol kana sa padayon nga kagubot sa KOJC Compound, nga diin makita niini, gipangyab-an sumala pa ang mga personahe sa mga kapulisan ug mga lamaw kon mga salin-saling nga pagkaon, ug didto gipang sabwag sa mga kapulisan nga mibarikada sa mga taga KOJC.
Sa laing kuha usab sa maong video, nakita sa maong footage nga mitulbong ang usa ka dakong bato padulong sa gikahimutangan sa mga kapulisan, ug maayo na lamang nga walay nasamdan sa maong panghitabo gumikan kay nakasuot kini sila ug helmet isip protekta sa ilahang kaugalingon.
Adunay nagkanayon nga nahulog na lamang kining nagbinalsanay ug pagpanakit gumikan kay daghan usab matod pa mga myembro sa KOJC nga gipang isprihan ug pepper spray, ang uban gipang pusasan ug ang uban gipangsipaan sa pipila ka mga myembro usab sa kapulisan.
Padayon gihapon ang presensya sa mga kapulisan sa maong nahisgutang dapit ug hangtod karun wala pa gihapon nahagilap niini kung asa na si Pastor Quiboloy.
