Mitambong ang mga kanhing presidente lakip usab ang pipila ka mga opisyal sa Estados Unidos sa Capitol Rotunda alang panunumpa ni Presidente-elect Donald Trump.
Lakip sa mga misalmot pipila ka oras sa wala pa ang seremonya mao ang kanhi Presidente Bill Clinton ug ang iyang asawa nga si kanhi US Secretary of State Hillary Clinton, ingon man si kanhi Presidente George W. Bush ug Laura Bush.
Si kanhi Presidente Barack Obama miabot usab nga nag-inusara human makumpirma nga ang iyang asawa nga si Michelle dili makatambong.
Samtang, si Mike Pence, nga nagsilbing Bise Presidente ni Trump sa unang termino, nakadawat og standing ovation sa pag-abot niini.
Nag-una usab og abot sa Capitol Rotunda ang mga anak ni Trump nga si Ivanka, Donald Trump Jr., Tiffany Trump, Eric, ug Barron Trump.
Anaa usab sa maong lugar ang siyam ka Supreme Court Justices, nga gipangulohan ni Chief Justice John Roberts.
Si Roberts ang nagdumala sa pagsumpa ni Trump, samtang si Brett Kavanaugh ang nagdumala sa panunumpa ni JD Vance isip Bise Presidente.
Ang tanang napiling mga miyembro sa gabinete ni Trump miabot usab sa maong lugar.
