DAVAO CITY – Dungan nga nitahan sa gobyerno ang 44 ka mga kanhing rebelde atol sa usa ka seremonya nga gipahigayon sa Barangay Paquibato Proper Gymnansium.
Ang maong mga mitahan, gipresenta sa Peace 911 nga programa kauban ang mga miyembro sa 10th ID-Agila ug human nga giturn-over ngadto sa hurisdiksyon sa Davao City Police Office.
Gitambugan kini ni Mayor Sebastian “Baste” Duterte, Eastern Mindanao Command Deputy Comander Brig. Gen. Consolito Yecla, Peace 911 Focal Person Atty. Jonah Presto ug DCPO Deputy City Director PLt. Col. Jed Clamor.
Mitambong usab sila PSSO Head Angel Sumagaysay, mga magbabalod gikan sa Public Attorney’s Office XI, CSWDO Head Judy Dayaday ug lain pa nga mga opisyales.
Samtang, gipaniguro usab ni Duterte nga mamahimong komportable ang mga nahisgutang kanhing miyembro atol sa ilang pagbalik ngadto sa gobyerno ug sa katilingban.
Dugang pa niini, gipunting usab ni PAO Regional Director Atty. Suseyline Bakino-Abtarol nga tanang isyung ligal nga ilang ginasagubang tagaan og pagtagad alang sa pagsugod sa ilang bag-ong kinabuhi.
Sumala pa ni Peace 911 Focal Person Atty. Jonah Presto nga ang mga kanhing miyembro tagaan og tyansa nga mamahimong tigpasiugda sa kalinaw aron makatabang sa pagmintinar sa kalinaw sa lokal nga panggamhanan.
via || Bombo DDB
