Mga kandidato sa Barangay ug SK election gi-awhag mopa-ilalom sa drug test

DAVAO CITY – Bisan nga dili mandato sa mga magpapili sa Barangay ug SK election karong bulan sa Mayo ang pagpailalom sa drug test, gi-awhag ni Atty. Remlane Tambuang, Regional director sa Commission on elections (Comelec) 11 ang mga magpapili nga mas maayong mopailalom sa drug test aron nga pamatud-an nga limpiyo kini batok sa bisan unsa man nga paggamit ug ginadili nga droga.

Kahinumduman nga pipila ka higayon na nga na-postponed ang Barangay elections gumikan sumala pa sa mga Narco-politicians nga migamit ug salapi gikan sa ginadli nga droga aron lamang nga subli nga makalingkod sa ilang posisyon.