DAVAO CITY – Pipila ka semana ayha magsugod campaign period alang sa mga kantidado sa eleksiyon sa Mayo 9, 2022, hugtanon na nga nagpahimangno karon ang ahensiya sa Commission on elections (Comelec) ang mga magpapili nga kinahanglan mutamod sa mga sumbanan ilabi na ang “in person campaign” sanglit nagpabilin pa gihapon karun ang bahad sa Covid-19.
Sumala pa sa ahensiya, dili nila basta-basta nga tugtan ang mga kandidato nga magpahigayon ug mga aktibidad may kalabutan sa eleksiyon ilabi na kung ang usa ka dapit nabutang sa taas nga risgo sa covid-19.
Gani, ayha sumala pa makapahigayon ang mga kandidato ug aktibidad sama na lamang sa mga rallies, motorcade ug daghanan pa, kinahanglan una kini nga mosumite ug aplikasyon ang mga kandidato sa ahensiya.
Gipasalig sa ahensiya nga tutukan nila ang tanan nga mga aktibidad sa mga nagpapili sa eleksiyon arun masiguro nga malinawon kini nga mapahigayon hangtud sa mismo adlaw sa pinili-ay.
Una ng gipasabot sa buhatan nga ilalom sa Sec 14 sa Comelec resolution 10732, hugtanon nga ginadili ang paglamano, paggakos o pagdikit sa mga kandidato ilabi na nga nagpabilin pa ang bahad sa Covid-19 ingon man ginadili sab ang pagdala ug mga pagkaon o mukaon panahon sa kampanya.
Wala sab sumala pay problema kung magpahigayon ug pagpangampanya ang mga politiko sa Social Media apan kinahanglan sumala pa nga i-rehistro sa kandidato ang iyang vlog, social media account, pages ug daghanan pa.
