Davao Oriental – Pormal na nga gipresenta ang pito ka mga kandidata nga nagtinguha sa prestihiyuso nga titulo sa Bb. Davao Oriental 2024.
Atubangan sa mga myembro sa media ug sa publiko kagahapong adlawa gipakita sa publiko sa Capitol Lobby ang mga maanyag nga mga kababaenhan nga gikan sa managlahing munisipalidad sa maong probinsya nga gipahigayon sab ang Sashing Program.
Gipangunhan ni Governor Niño Uy ang pagtaod ug mga sashs sa mga kandidata ug human gipahigayon sab ang media interview.
Karong tuiga, ang maong kalihukan, kabahin kini sa selebrasyon sa 57th Araw ng Davao Oriental ug 1st Kabilin Festival, nga nagapakita ug mga maanyag sa pobinsya sa Davao Oriental samtang gihatagan ug pagtagad niini determinasyon,ug ang kaanyag sa mga kababainhan sa Davao Oriental.
Kini sab ang pagpakita sa mga nahatag nga contributions sa mga kababainhan sa probinsya ilabi pa sa pag-ila niini kabahin sa cultural and natural heritage sa probinsya.
