DAVAO CITY – Nakasalmot ang kapin dos syentos ka mga kabatan-onan sa gipahigayong Community Emergency Response Team Training sa Malagos, Baguio District, ning dakbayan.
Gibahin-bahin ang maong ihap sa mga partisipante gikan sa nagkalain-laing parte sa dakbayan alang sa lima ka adlaw nga pagpabansay sa mga kabatan-onan sa natad sa pagresponde sa bisan unsang emerhensiya ug katalagaman.
Dungang gitudlo sa mga partisipante ang pagresponde sa sunog, search and rescue, pagkahugno sa mga istruktura, medical emergencies ug uban pang panghitabo.
Tumong niini ang pagpangandam sa mga kabataan sa pagluwas sa ilang pamilya, kaugalingon, ug komunidad.
Gipaluyohan ang maong panghitabo sa Sangguniang Kabataan Federation Davao City ug City Disaster Risk Reduction and Management Office.
via || Bombo LJ Florendo
