DAVAO CITY – Gibutyag sa City Health Office (CHO) XI nga ang kabatan-onan o young proffessionals ang adunay pinakataas nga ihap nga nataptan sa sakit nga HIV/AIDS sa dakbayan sa dabaw.
Sa pakighinabi sa Bombo Radyo Davao kang CHO XI head Josephine Villafuerte, walay pili karon ang nataptan sa maong sakit, bisan paman mga kalalakinhan ,kababa-inhan o mga edaran. Dugang niya, base matud pa sa statistic sa CHO XI nga kadaghanan sa mga nataptan niini mao kini ang kabatan-onan o young professionals. Kahinumdoman nga una ng ginanusyo sa ahensya nga gawas sa pagtaas sa kaso sa Covid-19 mitaas sab ang ihap sa kaso sa HIV/AIDS sa syudad.
Gani, nagpahimango sab kini nga e-edukar ang mga kabatan-onan kabahin sa pakiglawas aron maluwas sa maong sakit.
Giawhag sab sa ahensya ang mga katawhan nga magpa examine sa HIV/AIDS test kung aduna kini balatian, gitin-aw sab niini nga libre lamang ang magpa examine sa HIV/AIDS test ngadto sa District Health Center ug sa Reproductive health and wellness center sa dakbayan.
Hinuon, gitin-aw niya nga dili angay mahadlok gumikan kay usa kini ka confidential nga butang kung diin ang doctor lamang ang makahibalo.
