Nanawagan ang Southern Philippines Medical Center (SPMC) Nephrology Community Outreach ngadto sa mga pamilya sa namatay nga mag-donate og mga organ aron makaluwas og kinabuhi.
Sumala pa ni Dr. Vida Rose Acosta-Villanueva, usa ka nephrologist sa SPMC, ng akarong panahuna, gamay lamang ang ilahang natala nga deceased organ donors tungod sa pagsupak sa pamilya ug sa relihiyosong mga tinuohan.
Gipasabot niini nga bluntaryo nga pagdonar og organ apan kini dakong tabang sa pagpalugway sa kinabuhi sa uban.
Gipasabot usab sa nahisgutan nga ang lawas sa donor moagi og hugot nga screening ug klarong clearance una pa kuhaan og mga organ. Gihisgutan usab niya ang mga matang sa transplantation: living-related, non-related, ug deceased.
Alang sa mga pasyente nga adunay kidney failure nga nanginahanglan og transplant, una silang makapangayo og buhi nga donor nga gikan sa paryente o dili paryente.
Kung walay mag-volunteer, ang kataposang opsyon mao ang deceased organ donation. Matod ni Villanueva, ang mga deceased organ donors kasagaran mga brain dead tungod sa aksidente o trauma sa ulo.
Ang mga pasyente usab nga nag-dialysis o wala pa mag-dialysis apan anaa na sa stage 5 mamahimong mopailawom sa listahan sa posibleng recipient.
Apan kini dili “first come, first served”, kondili subay sa criteria ug match sa donor ang maoy mauna.
Gipahinumdom usab ni Villanueva nga ang kasagarang hinungdan sa kidney failure mao ang diabetes, hypertension, genetic diseases, ug ang kaliwat sa ginikanan nga adunay kidney disease, kidney stones tungod sa taas nga salt intake, ug balik-balik nga UTI.
Giklaro usab niini nga ang mga pasyente sa SPMC nagkaubos ang edad nga sumala pa usa ka 12 anyos pa lamang ang edad apan nagsugod na og dialysis hangtod sa 20 anyos.
