DAVAO CITY – Naalarma karon ang Bise Mayor sa Island Garden City of Samal (IGaCoS) kalabot sa illegal quarry operations nga dakong bahad sa kinaiyahan sa giilang tourism destination.
Matud pa kang Vice Mayor Orly Amit nga miduso sila ug Comprehensive Land Use Plan (CLUP) sa 2007, nga nagsilbing bibliya sa kalamboan sa local government unit.
Unod sumala pa sa CLUP ang pagdili sa pagpamutol ug mga punoan sa kahoy. Nasayran sab sa kagamhanan nga adunay gihimong pag-buldos sa sites alang sa quarries. Gikanayong adunay upat ka mga quarry operations sa Mt. Tagbay.
Gitataw sab ni Amit nga ang pag-apruba sumala pa sa quarry operations ang naggikan sa provincial government.
Apan sa sulat nga gipadala, ang gobernador sa Davao del Norte nga si Antonio del Rosario nagbutyag nga ang local laws sa city kinahanglan nga i-recognize luyo sa provincial approval.
Gitataw sab sa nahisgutan nga ang Mt. Tagbay gikonsidera nga protected ug production forest area hinungdan nga gidili ang quarry operations.
Kalabot niini, nagpadala na matud pa ug sulat ang Bise Mayo kang Governor Antonio del Rosario ug Environment Secretary Roy A. Cimatu apan pabilin sumala pa nga naka-ong-ong ang maong hisgutan ug wala pa gihapon na-aksiyonan.
