DAVAO CITY – Gipasalig sa lokal nga panggamhanan sa Island Garden City of Samal nga gukdon nila kadtong mga hotels ug resorts nga nag operate sa isla nga wala kompleto nga business permit registration.
Matud sa tourism and investments officer sa Island Garden of Samal (Igacos) nga si Jennifer Cariaga nga gikan sa 75 resorts sa Samal, bugtong 65 lamang ang adunay permits gikan sa City Business Bureau.
Gikanayong ang mga nanag-iya makadawat ug unang notice warning letter diin ang hatagan ang mga nahisgutan ug tulo ka adlaw aron mag-comply ayha ang ipagula ang second notice.
Laing tulo ka adlaw na sab ang ihatag sa mga business establishment ayha ang third notice. Pasirad-an sumala pa ang mga establisymento nga mapakyas sa pag-comply human ang pag-isyu sa ikatulo nga pahimangno.
Sa tuig 2017, gibutyag ni Cariaga nga kinatibuk-ang 1.31 million tourists ang mibisita sa isla o 24.62 percent ang gisaka kung itandi sa 1.06-million arrivals sa 2016.
Nakatala sab ang ilang buhatan ug 11,371 foreign tourists samtang 358,217 domestic tourists ang nagapabilin sa isla ug overnight.
