-- ADVERTISEMENT --
Gikumpirma sa Davao City Police Office (DCPO) kagahapong adlawa, Oktubre 3, 2025, nga ang disaster relief contingent gikan sa City Government sa Davao hingpit na nga nakaabot sa Cebu City.
Kahinumduman, gipadala kini pinaagi sa LGU-Davao uban sa pakigkooperar sa buhatan sa DCPO aron maghatag og tabang ngadto sa mga nabiktima sa makusog nga linog nga bag-ohay lamang nga miigo sa Cebu.
Nakaabot sila sa Provincial Capitol Warehouse sa M. Velez Street mga alas 8:50 sa buntag.
Ang pag-abot sa Davao contingent naghatag og dakong kahupayan ug suporta sa lokal nga mga awtoridad ug sa mga biktima sa kalamidad.
