Nanganti ang mga ginikanan nga mohimo sumala pa sila ug lakang batok sa usa ka unibersidad sa Digos City sa higayon nga dili makapaso ang ilang mga anak sa graduation day gumikan kay nabagsak kini sa mock board exam.
Kahinumduman nga miulbo ang kasuko sa mga ginikanan human nga ilang nasayran gikan sa pamunoan sa University of Mindanao Digos College (UMDC) nga dili makapaso graduation day sa Abril 16.
Kahinumduman nga mukabat sa 80 ka mga estudyante nga mikuha ug kursong Edukasyon ang nabagsak sa competency appraisal o mock board exam.
Apan gibarugan sa unibersidad nga polisiya sa tulonghaan ang maong lakang nga mobalik sa major subject sa higayon nga mabagsak kini sa general education, professional education ug specialization nga unod sa mock board exam.
Nasuko ang mga ginikanan gumikan kay kadaghanan sa mga nahisgutan ang naka-solicit na ug yearbook apan ulahi nga gipagula ang resulta sa mock board exam. Sa kasamtangan, wala una mihatag ug pahayag ang pamunoan sa tulonghaan.
