DAVAO CITY- Giawhag karon sa school principal sa Magallanes Elementary School ang mga ginikanan nga magpa-enroll na og sayo sa ilang mga anak.
Sumala pa ni Marlou De Asis, school principal sa nasangpit nga tulunghaan, nga mas maayong sayo nila ipa-enroll ang ilang mga anak aron dili na kini maroblema pa sa pag-abot sa unang adlaw sa klase.
Matud pa nga ang expected enrollees sa maong skwelahan ang anaa sa 4,500 apan ning kasamtangan, anaa pa lamang sa usa ka libo ang nagpa-enroll.
Alayon niini, gipahinumduman karon sa principal ang mga ginikanan nga boot mopaenroll sa ilang mga anak nga anaa sa kindergarten nga magdala og birth certificate, samtang school cards usab ang gikinahanglan alang sa mga ginikanan nga boot magpaenroll sa ilang mga anak nga anaa gikan sa Grade 1 hangtod Grade 6.
Alang usab sa mga aduna pay problema sa pagdala sa og birth certificate sa ilang mga studyante, mamahimong magdala na lamang og brgy. certificate o baptismal certificate uban ang pasalig nga mahatag kini bago paman matapos ang school year.
Sa pikas bahin, giawhag usab sa principal ang mga ginikanan nga mopartisipar sa umalabot nga Brigada Skwela.
Sumala pa nga bisan wala na kini nahimong required atol sa paglingkod ni VP Sara Duterte isip DepEd secretary, malaumon gihapon kining pagatambungan sa pipila ka mga ginikanan.
