DAVAO CITY – Arun nga mas mahatagan pa ug igong proteksiyon ang mga health care workers sa dakbayan, nakadesisyon ang Davao City covid-19 Task Force nga subling himuong mandato ang pagsuot ug face shields sa mga healthcare workers ug medical staff sa vaccination hubs human nga pipila sa mga staff ang nagpositibo sa coronavirus.
Sumala pa kang Dr. Michelle Schlosser, tigpamaba sa Davao City Covid-19 Task Force nga himuon ang maong lakang aron masiguro nga adunay proteksiyon ang mga nahisgutan samtang nagpahigayon ug pagbakuna.
Gitino sab sa nahisgutan nga dili kalakip sa maong kamandoan ang general public dili kini mandato ang pagsuot niini sa mga dabawenyo samtang mamahimong option kini sulod sa mga establisyemento depende kung laraw sa nanag-iya ug pamatigayon kung pasuoton nila ang ilang mga kustomer.
Samtang kagahapong adlawa, subli na sab nga nangabli ang vaccination hub sa People’s Park ug Crocodile park human nga gipasirad-an kini sulod sa duruha ka adlaw.
Gipailalom ang nahisgutan nga mga vaccination hubs sa disinfection human nga pipila sa ilang mga staff ang nagpositibo sa Covid-19
