DAVAO CITY – Gipanid-an karon sa Davao City Anti-Scam Unit ang mga establisyemento nga kanhi na nalambigit sa paghimo ug mga pekeng vaccination cards.
Kini ang giluwatang pahayag ni Simplicio Sagarino, hepe sa Anti-Scam Unit , human makadawat sila ug mga report may kalabutan sa pagkatag na usab sa mga peke nga vaccination cards ug vaccination exemption cards sa syudad.
kahinumduman nga niadtong nakalabay nga tuig, gisikop sa kapulisan ang pipila ka mga indibiduwal nga nalambigit sa paghimo ug peke nga mga vaccination card sa may Diaz mall sa CM Recto St ning stydad.
Giangkon ni Sagarino nga gawas sa ilang nadakpan niadtongb milabayn ga tuig, posibling aduna pay laing mga indibiduwal ang nalambigit sa nahisgutang illegal nga kalihukan apan gihimong sekreto lamang ang ilang mga transaction aron dili madakpan.
Tungod niini, hugot ang ginahimong monitgoring sa Anti Scam Unit sa nahisgutang establismanto dungan sa panawagan sa publiko nga likayan ang pagpahimo ug peke nga vaccination card gumikan kay gawas nga illegal sukwahi usab kini sa tumong sa gobyerno nga mabakunahan ang katawhan aron mapanalipdan batok covid 19.
Sa higayon nga madakpan susamang mag-atubang ug kaso ang naghimo ug ang nagpahimo sa nahisgutang peke nga mga dokumento.
Labot niini, nanawagan si Sagarino sa publiko nga makiglambigit sa mga otoridad kung adunay masayran nga nalambigit sa illegal nga kalihukan.
