DAVAO CITY – Padayon karun ang pag-awhag sa Davao City COVID-19 Task Force sa mga private offices ug establisyemento nga magpatuman ug social distancing requirements ug uban pa nga mga restrictions sulod sa ilang bisinidad bisan pa man nga anaa sa Alert Level 1 status ang dakbayan.
Hinuon gikanayon ni Dr. Michelle Schlosser, spokesperson sa COVID-19 Task Force, nga anaa pa gihapon sa mga private sectgors o private owners sa establishments kung ipadayon nila ang pagpatuman ug social distancing sa ilang mga buhatan, establisyemento ug negosyo.
Kahinumduman nga una ng nagpagula ang lokal nga kagamhanan ug Executive Order (EO) 11, Series of 2022, diin kalakip sa gitangtang ang one-meter physical distancing protocol.
Sukad sumala pa nga gipagula ang EO 11, daw balik na karon sa normal ang siyudad hinungdan nga dili matud pa angayan nga mukumpiyansa sanglit nagpabilin pa gihapon ang bahad sa Covid-19.
Gipasabot sab sa opisyal nga wala giwagtang karon sa siyudad ang social distancing aron nga dili sab maapektohan ang hinay-hinay nga pagbangon sa ekonomiya sa siyudad.
