DAVAO CITY – Arun nga mapalig-on pa ang mga lakang batok pagkatag sa Covid-19, gi-awhag karon sa lokal nga kagamhanan ang mga nanag-iya ug establisyemento nga i-report ang ilang mga kustomer nga makalapas sa Covid-19 protocols ug ipatuman sab ang “no vaccine, no entry” policy arun masiguro ang kaluwasan sa mga bar-goers dungan sa gipatumang mas lu-ag nga restriction karon sa siyudad.
Una na matud pa nga nagpahigayon ang panagpulong ang hingtungdan nga ahensiya sa kagamhanan ngadto sa mga nanag-iya ug restaurants, bars ug susama nga mga establisyemento nga ikonsidera ang pagpatuman ug mga polisiya ngadto sa ilang mga kustomer.
Bisan nga limitado lang ang mapatuman sa kagamhanan nga mga polisiya apan mamahimo sumala pa kini nga ipatuman sa mga private establishments.
Aduna na matud pay “open communication” karon ang mga business owner ngadto sa Davao City Police Office aron imonitor ang persistent violators sa minimum public health standards (MPHS) aron nga ma-isyuhan kini ug citation tickets.
