DAVAO CITY – Subling nagpahimangno ang usa ka opisyal sa Social Security System-Account Management Section (SSS-AMS) sa mga malapason nga mga employers nga kinahanglan i-update ang remittances sa ilang mga empleyado aron malikayan nga mag-atubang kini ug kaso.
Matud pa kang Eileen dela Cruz, head sa AMS team, aduna sumala pay kapin libo ka mga delinquent companies ang anaa karon sa dakbayan.
Adunay mga kaso na sab sila nga naduso sa City Prosecutors Office (CPO) batok sa mga nahisgutan apan pipila niini ang gi-asikaso gilayon ang reklamo hinungdan nga ubay-ubay sab ang kaso nga na withdraw.
Gi-refer sumala pa nila ang maong kaso sa Mindanao Southern Legal Department (MSLD) nga maoy nag-kontrol sa mga reklamo.
Gitambagan ni Dela Cruz ang mga employers nga kinahanglan dili niini hulaton nga mapasakahan ug kaso ug sulbaron gilayon ang remittances aron malikayaon ang ipahamtang nga penalty ug legal actions gikan sa SSS.
