DAVAO CTIY – Nagpadayon karon ang gipahigayon nga Surveillance Community Testing sa dakbayan sa Davao kini aron nga mapangandaman ang posibleng mega surge sa mga natakdan ug Covid-19.
Kagahapon gipahigayon ang swab testing sa 150 ka mga stall owners ug market vendors sa Buhangin Public Market.
Hinuon dili tibuok adlaw gihimo ang swabbing gumikan kay balik dayon sa ilang operasyon ang palengke karong hapon.
Human ang swabbing gihimo sab dayon ang disinfection sa palengke.
Gawas sa Buhangin Public market, una na sab nga girumbo ang Agdao ug Bankerohan Public Market diin anaa sa halos 600 ka mga empleyado ug vendors sa nahisgutan nga mga palengke ang gipailalom sa Swab test.
Kahinumduman nga anaa sa siyam ka mga indibidwal ang nagpositibo apan susama kini nga asymptomatic ug anaa na karon sa isolation facility.
