DAVAO CITY – Molungtad hangtud karong adlawa ang gipahigayon nga pagbakuna sa mga empleyado sa lokal nga kagamhanan nga una ng gisugdan kagahapon sa Davao recreation o kanhi Almendras Gym nga nagsilbing vaccination site sa mga nahisgutan.
Kagahapong adlawa, anaa sa 700 ka mga empleyado ang unang nahatagan ug first dose sa bakuna.
Padayon sab karon nga gina-awhag ang uban pa nga mga empleyado sa lokal nga kagamhanan nga magbakuna ilabi na nga sagad sa mga nahisgutan nga makighimamat sa daghanang mga tawo gumikan sa mga transaksiyon sa nagkadaiyang buhatan.
Kahinumduman nga una ng gipailalom sa lockdown ang pipila ka mga buhatan sa kagamhanan sa Sangguniang panlungsod ingon man sa City Hall human nga adunay mga empleyado nga nagpositibo sa covid-19.
Una na sab nga gibutyag ni Davao City Mayor Inday Sara Duterte-Carpio nga nagapatuman sab dayon sila ug skeletal force sa ilang mga empleyado sa higayon nga adunay matakdan ug kagaw sa pipila nila ka mga personahe.
