Gikatakdang makadawat na ang mga empleyado gikan sa Davao City LGU sa ilahang mga nagkadaiyang bonus, ayha pa man mahuman ning tuig 2024, human nga gisugdan na og hisgut sa Davao City Council ang pagtuki sa Supplemental Budget 3 nga mukabat sumala pa ang maong kantidad og P433 Million.
Matud pa ni Councilor Myrna Dalodo-Ortiz, ang Chairperson sa Committee on Finance and Trade and Industry, nga ang gilangkuban sumala pa sa pondo sa maong programa, diin mao sab ang gikinahanglan ngadto sa mga nagkadaiyang barangay dinhi sa dakbayan, mao usab ang namugnang resulta sa ginapahigayon nga caravan sa lokal nga panggamhanan.
Nahilakip ang bonus alang ngadto sa mga empleyado sa LGU, ang ginahisgutan niining supplemental budget, diin sabay sab kining gilangkuban sa pondo sa mga proyekto ug imprastraktura nga buot ipatuman sa Office of the City Mayor.
