DAVAO CITY – Gi-awhag ni Dr. Michelle Schlosser, tigpamaba sa Davao City Covid-19 Task Force ang mga employers nga mag-require ug reverse transcription-polymerase chain reaction (RT-PCR) test results arun masubay ang mga empleyado kung tinuod nga nakasinate kini ug influenza-like illness (ILI).
Tipik lamang kini human nga adunay migula nga mga report nga gamiton lamang nga rason sa mga empleyado ang ILI aron lamang maka-absent sa ilang trabaho.
Kahinumduman nga ang ILI mao ang kalintura nga anaa sa kapin 38 degrees Celsius inubanan sa ubo nga molungtad ug 10 ka adlaw.
Kahinumduman nga sa milabay nga tuig, nagpagula ang lokal nga kagamhanan ug Executive Order (EO) No. 18 Series of 2021 or “an order providing for heightened surveillance and response of Covid-19 cases in Davao City” kini tungod sa pagsaka sa kaso sa Covid-19.
Gikanayon sab ni Schlosser nga ang mga empleyado kinahanglan sab nga mo-presenta ug certification sa ilang negative RT-PCR test results.
Dugang niini ang mga trabahante nga mo-avail sa ilang ILI testing ug quarantine services nag gigahin sa lokal nga kagamhanan.
