DAVAO CITY – Dismayado ang daghanan nga mga tinun-an ug mga empleyado sa dakbayan sa Davao nga na-late sa ilang biyahe gumikan sa sobrang kahout sa traffic gumikan sa nagbabag nga usa ka wing van sa Sandawa Matina.
Sumala sa mga traffic enforcers ala 1:00 pa sa kaadlawon miungot ang nahisgutan nga truck gumikan kay nabale ang mulye niini, apan alas nueve na sa buntag mi-abot ang nag-rescue niini.
Gumikan sa nahisgutan nga hitabo nagka-traffic sa Quirino, Mc Arthur Highway hangtud na sa Quimpo Boulevard.
Gi-isyuhan ug citation ticket ang driver sa truck gumikan sa kasong obstruction. Gipahimuslan sab sa mga personahe sa City Transport and Traffic Management Office (CTTMO) ang okasyon sa Valentine’s day aron nga ipahinumdum sa mga motorista ang mga balaod sa kadalanan sa dakbayan.
Mismo nga mga personahe sa CTTMO ang nanghatag ug mga cards nga porma ug kasing-kasing nga na-undan sa pipila ka mga mensahe labot sa dagan sa trapiko nga gipa-agi sa mga hugot lines.
Gilauman nila nga pinaagi niini mas mapahapsay ang dagan sa kadalanan sa dakbayan.
