Gipasabot ni Atty. Nicholas Kaufman, nga hinay ug kulang ang ebidensyang gipresenta sa prosecution panel sa padayong pagdungog batok sa iyang kliyente sa International Criminal Court.
Subay sa opening statement ni Kaufman, limitado ug dili makatarunganon ang mga pahayag nga gipili sa prosekusyon aron ipakita nga gitugotan ni Duterte ang mga extrajudicial killings (EJKs) sa nasud.
Kung itandi sa kapin 30 ka mga pahayag sa kanhing pangulo nga nag-awhag sa mga otoridad nga dili abusohon ang ilang gahum, gamay ra kaayo ang mga ebidensya nga gisandigan sa prosekusyon.
Gipasabot usab ni Kaufman nga ang pagpili sa pipila ka pahayag sa prosekusyon naghatag og hulagway nga si Duterte mismo ang mitugot sa paglapas sa tawhanong katungod.
Apan, sa tinuod, daghang mga pahayag si kanhing Pang.Duterte nga nag-awhag sa mga otoridad nga magpuyo sulod sa legal nga limitasyon ug likayan ang pag-abuso sa ilahang gahum.
Gidugang pa sa abogado nga ang ubang media reports nga naghulagway sa administrasyon ni Duterte isip pagpangabuso sa kampanya kontra droga adunay pagpabor ug dili tinuod nga representasyon sa kahimtang sa nasud.
Naglaum si Kaufman nga ang mga ebidensyang gipresenta sa korte maghatag og klaro ug tinuod nga hulagway sa sitwasyon ug mosangpot sa posibleng pag-dismiss sa kaso batok sa iyang kliyente.
