DAVAO CITY – Mapasalamaton ang mga adunay kabilinggan sa ilang panglawas sa ilang nadawat nga hinabang gikan sa Department of Social Welfare and Development (DSWD).
Kahinumduman nga gi-turn over sa ahensiya ngadto sa lokal nga panggamhanan ang mga items nga alang sa mga kabataan, hamtong ug mga indibidwal nga mga Persons with disabilities (PWDs) isip kabahin sa ilang bottom-up budget arrangement sa milabay nga tuig 2016.
Segun ni Merlinda Paragamac, DSWD regional convergence coordinator, nga ang nahisgutan nga proyekto adunay pundo nga P6.9 million ilalom sa BUB program.
Matud pa sa DSWD, dakong tabang sa mga PWDs ang ilang gitunol nga mga hinabang kini aron pabilin nga produktibo ang mga nahisgutan luyo sa ilang sitwasyon ug makatabang sab kini sa ilang mga pamilya.
Gawas niini, migahin sab ang ahensiya ug P2.4 million alang sa hygiene kits ug materyales sama sa toothbrush, toothpaste, sabon, face towels ug daghanan pa alang sa 652 ka mga day care centers ug home-based ECCD programs diin pangunahan kini sa professional social workers.
