DAVAO CITY – Sunod-sunod na nga mipatim-aw sa buhatan sa kapulisan sa Island Garden City of Samal (IGACOS) ang mga biktima sa peke nga pari kinsa gidakop sa kapulisan sulod sa kapilya nga iyang gi-misahan niadtong milabay nga adlaw.
Sa pakighinabi sa Bombo Radyo, gikanayon ni Police Supt. Noel Asumen sa IGACOS PNP, gawas sa misa, bunyag ug kasal nagapahigayon usab ug mga blessings si Eljune Lumbo, 30-anyos, kasamtangang nagpuyo sa Brgy Kanaan, Kaputian district, IGACOS.
Tungod niini, daghang mga taga Samal ang nailad ni Lumbo kinsa kinahanglang subling mopa-ilalom sa susamang seremonya sa tinuod nga pari gumikan kay wala silay record sa simbahan.
Gi-agi na lamang sumala pa sa mga biktima sa katawa ang ilang kasuko sa peke nga pari gumikan kay wala naman silay mahimo.
Sa pikas bahin, gikanayon ni Asumen nga mamahimo pang maka-angkon sa iyang temporaryong kagawasa ang peke nga pari nga si Lumbo sa higayon nga makabayad kini ug piyansa.
Nasayran nga hangtud sa pagka-karon pabilin pang walay kabanay nga miduaw niini sa prisuhan.
