DAVAO CITY – Gikabutyag sa opisyal sa Commission on Elections 11 nga nikunhod ang ihap sa mga botante alang sa ipahigayong Barangay and Sangguniang Kabataan Elections karong Oktubre.
Sumala ni COMELEC 11 Assistant Regional Director Attorney Gay Enumerables, nikunhod sa 27,000 ang ihap sa mga botante ning tuiga gumikan sa nasutang double registrations kon pagdoble sa pangalan sa voter’s list subay sa nigawas sa ilang automated fingerprint identification system.
Sa maong ihap, 21,000 ang mga rehistradong regular voters ug 6,000 niini ang mga mubutar alang sa Sangguniang Kabataan federation sa barangay.
Taliwala pa man sa nahisgutang ihap, gikanayon ni Enumerables nga ocheta porsyento nang andam ang COMELEC 11 alang sa BSKE, sanglit andam na sab ang nasa 9,958 clustered precints sa tibuok Davao Region.
Pagpaklaro sa opisyal, mano-mano ang mamahimomg proseso sa pagbotar apan gilaraw kini nga himoong automated. Magsugod na ang filing sa certificate of candidacy karong Agosto 28 hangtod Setyembre 2, samtang gitakda sab ang campaign period karong Oktobre 19 hangtod 28, ning tuiga.
