DAVAO CITY – Gipahigayon ang pagpanghatag og hinabang sa mga biktima sa sunog ngadto sa Barangay 76-A, Bucana ning siyudad sa Dabaw.
Kahinumduman nga gatusan ka pamilya ang nahimong biktima sa nahitabong sunog niadtong milabay nga bulan sa Agosto ning tuig kasamtangan lamang.
Ang maong kalihukan gipangunahan ug gi-organisa sa grupong OFW Movement for Change International Hong Kong, OFW Global Movement for Empowerment Abu Dhabi UAE, OFW Global Movement for Empowerment Singapore, mga sakop sa San Pedro Police Station, Davao City Police Office ug mga opisyales sa Barangay Bucana diin tumong usab niini nga matagaan og tabang ug pahalipay ilabi na ang mga Persons with Disability kon PWD pinaagi sa medical mission.
Matud pa sa personahe sa Barangay Bucana nga dako ang ilang pagpasalamat ngadto sa mga nagkalain-laing organisasyon nga nanguna sa maong aktibidad. Dugang niana nga abri ang ilang barangay alang sa uban pa nga mga hinabang nga itunol ngadto kanila.
Text by || Bombo Danica Baguio
