DAVAO CITY – Bisan pa sa hangyo sa lokal nga kagamhanan nga biyaan na sa mga apektado nga mga pamilya ang ilang kabalayan nga nangabongkag sa dagku nga mga balud, apan subling gipanday sa mga residente sa Barangay 22-C ang ilang kabalayan.
Sumala sa mga apektado nga mga pamilya nga bisan kung pelegroso pa ang sitwasyon napugos gayud sila sa pagbalik sa kanhi nila nga gipoy-an gumikan kay gamiton na ang opesina sa Senior Citizens diin temporary sila nga nagsaka.
Gipahipus sa mga residente ang mga kahoy nga nanga-anod aron nga subli nila kini nga magamit.
Mokabat ngadto sa 37 ka mga pamilya sa Barangay 22-C ang nangagub-an sa ilang mga pinoy-anan.
Sumala sa mga residente pabor sab sila nga modawat ug relocation gumikan kay hasol na alang kanila ang mga sunog ug paglapdos sa dagku nga mga balud.
Gi-angkon sa barangay Kapitan sa Barangay 22-C nga gipapahawa na nila ang mga mibakwit gumikan sa dagku nga mga balud.
Sumala pa kang Kapitan Eduardo Millondaga sa Barangay 22-C nga naanad na ang mga residente sa ilang kahimtang.
Gitataw sa Kapitan nga wala pa sila’y mahatag nga relokasyon sa mga pamilya nga residente sa daplin sa baybay.
