Mga biktima sa linog ipailalom karong adlaw sa stress debriefing

DAVAO CITY – Karong adlawa na sugdan ang stress debriefing alang sa mga nabiktima sa kusog nga linog sa Makilala North Cotabato.

Sumala sa Philippine Association of Social workers incorporated mahinungdanon sumala pa nga mopailalom sa nahisgutan nga lakang ang mga biktima aron nga mawagtang ang trauma nga ilang gibati  tungod sa sagunson nga linog.

Mobiyahe karong adlawa ang grupo sa mga psychologist  ingon man social workers sa Makilala Cotabato aron manguna sa ipahigayon nga stress debriefing.

Sumala pa kang Liwayway Caligdong, executive director Paswi-Mindanao Chapter, kinahanglan nga tabangan ang mga nabiktima sa linog nga makabangon ug mobalik sa ilang mga normal nga kinabuhi luyo sa trahediya nga ilang nasinatian.