DAVAO CITY – Gipadayag sa usa ka expert nga misaka ang mga mipahiling sa mga psychologist ug psychiatrist human mitumaw ang daghanan nga mga investment scheme sa rehiyon.
Gitataw sa Psychologist nga si Dr. Eric Batican nga normal lamang sa mga tawo nga makasenati ug stress labi na nga napakyas ang ilang investments.
Pahimangno na lamang ni Batican nga likayan ang negatibo nga coping mechanism sama sa pag-inum, pagpanegarilyo ug paggamit sa illegal nga druga nga makadaut sa panglawas.
Tambag sa mga expert ngadto sa mga nakasenati ug stress ug depression nga mangita ug ikahinabi ug mangayo ug spirituhanon nga pagpanambag ug mangunsulta sa mga expert.
Gi-awhag sab ni Batican sa publiko nga dili yaga-yagaan ang mga nangabiktima sa investment scam ug kadtong mga nagapangunsulta sa ilang mental health.
