DAVAO CITY – Giila na sa Davao City Police Office (DCPO) nga serial rapist ang usa ka James Barreta Narte, 35 anyos nga lalaki nga milugos ug mipatay sa biktimang estudyante Rea Manila niadtong Biernes sa gabii.
Sumala pa kang DCPO Director Police Senior Supt. Alexander Tagum ang rape suspect nga si Narte nga trabahante, residente sa Purok 10, Libby Road, Bago Gallera, Davao City maisip nga serial rapist gumikan sa daghanan nga mga kababayen-an nga gilugod niini, diin ang usa iyang napatay.
Sa kasamtangan tulo ka mga babaye na ang miakusa sa dinakpan nga mao ang mipanamastamas kanila. Sa mga biktima si Rea ang nahunosan sa kinabuhi. Ang unang biktima misukol ug naka-ikyas.
Ang bag-ong mipatim-aw nga taga-Sasa mikompirma nga gitionan ug ice pick sa suspek ug gidala sa kalibonan ug didto na gipanamastamasan niadtong bulan sa Mayo.
Subay niini gimando-an ni DCPO Director Alexander Tagumk ang hepe sa Talomo PNP PCI Ronald Lao nga imantala sa publiko ang hulagway sa suspek aron nga mogula ang uban pa nga mga biktima ni James Narte aron ngha mas molig-on pa ang kasong lugos batok ngadto kaniya.
Dali sab dayon nga mitamod si PCI Ronald Lao sa kam,andu-an sa DCPO Director.
Gilauman niya nga mopatim-aw pa ang dugang mga biktima sa giila nga serial rapist.
Gikompirma niya nga gipaagi sa police line-up ang pag-ila sa biktima sa milugos kaniya.
