DAVAO CITY – Personal nga nakigkita kang kanhi Pangulong Rodrigo Duterte ang mga bida sa salidang “Martyr or Murderer” nga sila Ruffa Gutierrez ug Cesar Montano; uban sa direktor nga si Darryl Yap ug Senador Imee Marcos.
Gipahigayon dinhi sa usa ka sinehan sa Davao City ang regional screening sa salida nga sequel sa unang Marcos film ni Yap nga “Maid in Malacanang” kaniadtong 2022.
Nahimong malampuson sab ang screening tungod sa daghanang mga Dabawenyo nga buot mutan-aw sa maong salida.
Sa sequel, gisaysay ang mga panghitabo sa pamilyang Marcos human sa pagpamanhig kang Ninoy Aquino niadtong 1983.
Gipangunahan ni Montano isip kanhi Pangulong Ferdinand Marcos Sr., ug ni Guttierez isip kanhi First Lady Imelda Marcos ang salida nga gidirehe ni Daryl Yap nga nahimong direktor sab sa mga salidang “#Jowable”, “Tililing”, ug “Ang Babaeng Walang Pakiramdam.”
Gikumpirma sab ni Senadora Imee Marcos nga ang sunod nga proyekto mao ang istorya sa pamilyang Duterte.
via || Bombo LJF
