Mga bata nga biktima sa drug war dili angay tawagon nga “collateral damage” – Atty. Andres

Gipamahayag ni Atty. Gilbert Andres, abogado sa mga biktima sa drug war nga lakip sa mga sistematikong pagpatay sa kampanya batok sa iligal nga droga ni kanhing Pangulong Rodrigo Duterte ang mga bata, ug dili kini angay tawagon nga “collateral damage.”

Sumala pa sa abogado, dili usab angay gamiton ang Philippine National Police (PNP) Operational Procedural Manual nga giisyu niadtong 2021 sa pagresolba sa kaso batok sa kanhing pangulo.

Gisalikway usab ni Andres ang pahayag sa kampo ni Duterte nga wala gikonsinti sa administrasyon ang mga nag-abusong pulis.

Matud pa niya, wala gayud gikasuhan sa gobyerno ang mga pulis nga nalambigit sa dili moubos sa 3,967 ka mga biktima sa anti-drug operations gikan Hulyo 1, 2016 hangtod Nobyembre 27, 2017.