DAVAO CITY – Gipahinumduman ang tanang mga barangay kapitan sa davao region nga kinahanglang magpabilin nga non partisan sa taliabot nga local ug national elections sa May 9, 2022.
Hinuon, nasabtan sumala pa sa DILG 11 nga dili malikayan nga aduna gayoy paluyuhan nga mga kandidato ang mga barangay kapitan ug uban pang mga barangay officials sa davao region.
Apan, panawagan ni DILG 11 regional director Alex Roldan nga mamahimong patas sa tanang mga kandidato ang mga barangay officials ilabi na kung mogamit kiini ug mga pasilidad sa ilang tagsa-tagsa ka mga barangay panahon sa pagpangampanya.
Nanghinaut usab si Roldan nga dili maapektuhan ang trabaho sa mga barangay kapitan ilabi na niining panahona nga nagsugod na ang pagpangampanya sanglit ang uban kanila ang mitabag sa pagpanagmpanya.
Sumala sa maong opisyal mamahimong mahimutang sa kaduha-duhaan ang paghupot ug posisyon sa mga barangay officials kung biyaan niini ang ilang trabaho aron lamang ikampanya ang ilang gisuportahang kandidato.
