DAVAO CITY – Gikumpirma sa City Treasurer’s Office (CTO) nga tamper-free ang mga balota nga alang sa dakbayan a Davao. Una ng gibutyag ni CTO head Erwin Alparaque nga miabot dinhi sa dakbayan kaniadtong Mayo ang mga official ballots.
Ang nahisgutan sumala pa nga mga balota ang tamper-free dili sama sa nahitabo sa Pasig City diin ang gihatud nga mga ballot boxes ang adunay daut nga selyo nga mihatud ug kabalaka nga posibleng aduna nay shade ang mga balota.
Base sa mandato gikan sa Commission on Elections (Comelec), ang CTO maoy responsable sa pagdawat ug election paraphernalia nga gamiton atol sa midterm elections nga gilangkuban sa indelible inks, markers, ug ballot secrecy folder.
Ihatud sumala pa ang mga ballot boxes sa tanan 1,139 clustered precincts sa siyudad sa Mayo 12 adlaw nga domingo o usa ka adlaw ayha ang eleksiyon.
