Hugot nga nagpasidaan ang nag-unang finance application sa nasud nga GCash batok sa bag-ong money scams nga ginahimo sa mga sari-sari stores o tindahan nga mas na-ilang screen share, video share ug shoulder surfing scams.
Matod pa kini ang bag-ong matang sa mga pagpangilad o social engineering tactics nga gihimo sa mga scammers aron makuha ang MPIN ug OTP sa mga account sa users.
Sagad nahitabo ang screen share ug video share scams sa mga social messaging apps kung diin gidani sa mga scammers nga ipakita sa users o sari-sari store owners ang ilahang mobile phones samtang mihimo ug transaksyon aron makuha nila ang MPIN ug OTP.
Samtang ang shoulder surfing, ginasilip sa mga scammers ang screen sa mobile phones sa users o owners samtang gihimo ang online bank o e-wallet transaction.
